Categoriearchief: Geen categorie

KOALE KERMIS IN SIEPELSTAD

Dat hebt wie nog nig eerder had :
gin koale karmis in de Siepelstad.
Um dizze tied hoomn ie nig efkes te probeern,
oen auto in de binnstad te parkeern.

Vrooger un dizze tied roondum de kark,
wadn de karmisleu drok an ’t wark.
Noe steet ’t plein vol met blik,
vot is die tied met jolijt en schik.

Dreeioorgel van Gigengack, wafels en ok vis :
wie wett dat ‘t d’r dit joar nig is.
Ok gin Swingmill of de kekiewolk :
gin vermaak veur ’t jonge volk !

Midn op ’n dag ’n paar pilskes an het schap,
of ’n pony koapn met haandgeklap :
dat is t’er dit joar nig bie
en maakt de siepels echt nig blie.

Ho zol het aal die jongeleu vergoan,
dee aaltied uurn in de rieg goat stoan ?
In de cafe’s stoat de tapkastn dreug :
van nood nemt ze in hoes nen teug…

Dit joar meer eenmoal oawersloan :
doar zal gin mensche doad an goan.
Volgend joar loat wie oons zegn :
‘vierus-Karmis’ dat valt nooit tegn !

RM
2020